სიახლე

თათია ბროლიძე ხაშურის მოსახლეობას შეხვდა

2022 წლის 1-ელ ივლისს ხაშურის მუნიციპალიტეტის საკრებულოს წევრმა - თათია ბროლიძემ საჯარო შეხვედრა გამართა ხაშურის მოსახლეობასთან, სასტუმრო ივერიაში.

ეხვედრაზე თათია ბროლიძემ ადგილობრივებს გააცნო დაგეგმილი პროექტები.

მოისმინა ის საჭიროებები და მოთხოვნილებები, რომლებიც ეხებოდა შემდგომ საკითხებს:

სპორტსკოლის ხელფასები და დაფინანსებები

მუსიკალური სკოლისთვის ინვენტარის შეძენა და სავენტილაციო სისტემის გაკეთება

სურამის კულტურული ცენტრის რესტავრაცია

მუზეუმის საექსპოზიციო ოთახის რესტავრაცია/ბიბლიოთეკის ოთახის გამოყოფა

დენის წყაროს შეწყვეტის შემთხვევაში, ჯანდაცვის შენობაში გენერატორის ავტომატური ჩართვის პრობლემა.

სხვა

23 აპრილი წიგნის საერთაშორისო დღეა!

წიგნის საერთაშორისო დღესთან დაკავშირებით, შუახევის ხელოვნებისა და მოსწავლე-ახალგაზრდობის სკოლაში მწერალ აკაკი მახარაძის წიგნის - ,,სისხლი სისხლის წილ, სიცოცხლე სიცოცხლის წილ“ პრეზენტაცია გაიმართა. საკრებულოს თავმჯდომარემ როსტომ ლორთქიფანიძემ, მერმა ომარ ტაკიძემ, საკრებულოს თავმჯდომარის მოადგილეებმა გიორგი დავითაძემ, გიორგი კეკელიძემ, რესურსცენტრის უფროსმა ედუარდ გოგრაჭაძემ და თვითმმართველობის წარმომადგენლებმა, მწერალს წიგნის გამოცემა მიულოცეს და ნაყოფიერ შემოქმედებით საქმიანობა უსურვეს. მისივე ავტორობით გამოცემულია 10-მდე წიგნი. აკაკი მახარაძე არის აჭარის ქართული ჭიდაობის ფედერაციის ვიცე-პრეზიდენტი, საქართველოს მწერალთა შემოქმედებითი კავშირის წევრი, საზოგადოება „მარეთის“ გამგეობის თავმჯდომარე, დაჯილდოებულია მრავალი მედლით, დიპლომით, სიგელითა და სამკერდე ნიშნით. მინიჭებული აქვს ვიცე-პოლკოვნიკისა და საპატიო მარეთელის წოდება. ???? ღონისძიებას მუსიკალურად აფორმებდნენ ანსამბლი “მარეთი” და შუახევის ხელოვნებისა და მოსწავლე-ახალგაზრდობის სკოლასთან არსებული გოგონათა ბენდი - “117“ ️წიგნისა და საავტორო უფლებების საერთაშორისო დღე 1996 წლიდან აღინიშნება. 1995 წელს იუნესკოს 28- ე სესიაზე გადაწყვეტილება მიღებული იქნა განათლების, კულტურული ტრადიციების, ასევე იმის გათვალისწინებით, რომ წიგნი ცოდნის გავრცელების ყველაზე ხელმისაწვდომი და მისი შენახვის საუკეთესო საშუალებაა.

როსტომ ლორთქიფანიძე სტუდენტებს შეხვდა

ხიჭაურის წმინდა ტბელ აბუსერიძის სახელობის სასწავლო უნივერსიტეტში სამართალმცოდნეობისა და საჯარო მმართველობის სტრუდენტებს საკრებულოს თავმჯდომარე როსტომ ლორთქიფანიძე საკრებულოს წევრ ფატი ჭაღალიძესა და რესურსცენტრის უფროს ედუარდ გოგრაჭაძესთან ერთად შეხვდა. შეხვედრის მიზანი იყო საკრებულოს პრაქტიკული საქმიანობის გაცნობა სტუდენტებისთვის. აგრეთვე ინფორმაციის მიწოდება სტაჟირების პროგრამების შესახებ, რომელიც მალე იქნება ხელმისაწვდომი დაინტერესებული სტუდენტებისთვის. "ჩვენი, ადგილობრივი თვითმმართველობის მიზანია მხარი დავუჭიროთ სრუდენტებს და მუდმივი კომუნიკაციის საშუალებით ვიზრუნოთ მათ საჭიროებებზე." - თქვა, როსტომ ლორთქიფანიძემ.

შუახევის ხელოვნებისა და მოსწავლე- ახალგაზრდობის სკოლაში ,,დედა ენის" დღისადმი მიძღვნილ ღონისძიება გაიმართა.

ღონისძიებას შუახევის მუნიციპალიტეტის საკრებულოს თავმჯდომარე, როსტომ ლორთქიფანიძე, მუნიციპალიტეტის მერი, ომარ ტაკიძე, საკრებულოს თავმჯდომარის მოადგილე გიორგი კეკელიძე, საკრებულოს წევრი ზაზა დავითაძე,რესურცენტრის ხელმძღვანელი ედუარდ გიგრაჭაძე და თვითმმართველობის წარმომადგენლები ესწრებოდნენ. მოსწავლეებმა წაიკითხეს დედაენის დღისადმი მიძღვნილი ლექსები, შეასრულეს სიმღერები და ცნობილი კომპოზიტორების ნაწარმოებები. მოწვეულმა სტუმრებმა 1978 წლის 14 აპრილის მოვლენებზე და ამ დღის ისტორიულ მნიშვნელობაზე ისაუბრეს, აუდიტორიას კიდევ ერთხელ შეახსენეს ქართული ენის მდიდარი წარსული და ქართული ენის მნიშვნელობა ერის თვითმყოფადობის საქმეში.

შუახევის ცენტრალურ სტადიონზე მუნიციპალიტეტის სკოლებს შორის ფეხბურთის ჩემპიონატის ფინალი გაიმართა.

შუახევის ცენტრალურ სტადიონზე მუნიციპალიტეტის სკოლებს შორის ფეხბურთის ჩემპიონატის ფინალი გაიმართა. თამაშს, შუახევის მუნიციპალიტეტის საკრებულოს თავმჯდომარე, როსტომ ლორთქიფანიძე, მერი ომარ ტაკიძე, რესურსცენტრის უფროსი ედუარდ გოგრაჭაძე, თავმჯდომარის პირველი მოადგილე გიორგი დავითაძე. ფინალში მონაწილეობდნენ დაბა შუახევისა და ბარათაულის საჯარო სკოლის 17 წლამდე ასაკის მოსწავლეები. გაიმარჯვა დაბა შუახევის გუნდმა. თამაშის მონაწილე გუნდებს თასები, მედლები და სიგელები გადასცეს. თამაშის მიზანს ახალგაზრდებში ფეხბურთის განვითარება და პოპულარიზაცია წარმოადგენს.

გილოცავთ, რამაზან ბაირამს!

დღეს მუსლიმანური სამყარო რამაზან ბაირამის დღესასწაულს ზეიმობს. შუახევის მუნიციპალიტეტის საკრებულოს თავმჯდომარე როსტომ ლორთქიფანიძემ, მერ ომარ ტაკიძესთან, მოადგილე გიორგი კეკელიძესა და თვითმმართველობის წარმომადგენლებთან ერთად ჭვანისა და ნიგაზეულის მეჩეთიდან მორწმუნეებს რამაზან ბაირამი მიულოცა და დღესასწაულთან დაკავშირებულ ლოცვას დაესწრო. ამ დღესთან დაკავშირებულ სადღესასწაულო ლოცვას მუნიციპალიტეტის ყველა მოქმედ მეჩეთში საკრებულოს წევრები დაესწრნენ და მორწმუნეებს დღესასწაული მიულოცეს. შუახევის მუნიციპალიტეტის ყველა მორწმუნეს კიდევ ერთხელ გილოცავთ რამაზან ბაირამის დღესასწაუსლს.

2 აპრილი - აუტიზმის ცნობადობის ამაღლების მსოფლიო დღეა !

თარიღთან დაკავშირებით საკრებულოს თავმჯდომარე როსტომ ლორთქიფანიძემ შუახევის შშმ პირთა დღის ცენტრის ბენეფიციარებს ეწვია და საჩუქრები გადასცა. “თითოეულ ჩვენგანს შეუძლია წვლილი შეიტანოს უფრო ინკლუზიური და თბილი გარემოს შექმნაში, სადაც აუტისტური სპექტრის მქონე ადამიანები საკუთარი თავის რეალიზებას შეძლებენ” - აღნიშნა როსტომ ლორთქიფანიძემ ამ დღის აღნიშვნის მიზანია, გაიზარდოს საზოგადოების ცნობიერება აუტიზმთან დაკავშირებით და ხელი შეუწყოს აუტისტური სპექტრის მქონე ადამიანების უფლებების დაცვას. აუტიზმის საერთაშორისო დღე პირველად აღინიშნა მას შემდეგ, რაც გაეროს გენერალურმა ასამბლეამ, 2007 წელს, მიიღო რეზოლუცია 2 აპრილის აუტიზმის ცნობადობის მსოფლიო დღედ გამოცხადების შესახებ.

შუბნის საჯარო სკოლაში პოეტისა და პედაგოგის, ოთარ ფუტკარაძის დაბადებიდან 70 წლის იუბილე და მისი ახალი წიგნის პრეზენტაცია გაიმართა.

ოთარ ფუტკარაძე დაიბადა 1954 წლის 15 თებერვალს შუახევის რაიონის სოფელ შუბანში( ვაკე ) სკოლის დამთავრების შემდეგ, სწავლა განაგრძო შოთა რუსთაველის სახელობის სახელმწიფო პედაგოგიური ინსტიტიტის ქართული ენისა და ლიტერატურის სპეციალობით. 1976 წელს დაინიშნა შუბნის საჯარო სკოლის პედაგოგად,1991-92 წლებში იყო სკოლის დირექტორის მოადგილედ. 1992-2003 წლებში კი სკოლის დირექტორი. ჰყავს მეუღლე, 3 შვილი,5 შვილიშვილი. ღვაწლმოსილ პედაგოგს როსტომ ლორთქიფანიძესთან ერთად, იუბილე მერმა,ომარ ტაკიძემ, თავმჯდომარის მოადგილეებმა,საკრებულოს წევრებმა, აჭარის უმაღლესი საბჭოს მაჟორიტარმა დეპუტატმა ფრიდონ ფუტკარაძემ, რესურსცენტრის ხელმძღვანელმა ედუარდ გოგრაჭაძემ, თვითმმართველობის წარმომადგე

"სოფლის მხარდაჭერის პროგრამის" ფარგლებში შეხვედრები დაიწყო.

შუახევში, ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, მოსახლეობასთან შეხვედრები დაიწყო. დაბის ადმინისტრაციული ერთეულის სოფლებში გამართულ შეხვედრებს, შუახევის მუნიციპალიტეტიდ საკრებულის თავმჯდომარე როსტომ ლორთქიფანიძე, თვითმმართველობის წარმომადგენლებთან ერთად დაესწრო. აღნიშნული ფორმატი ითვალისწინებს მოსახლეობის აქტიურ ჩართულობას და მათი გადაწყვეტილების საფუძველზე ხდება პროგრამის ფარგლებში გამოყოფილი თანხით პრიორიტეტების დაგეგმვა. სოფლის კრებები ეტაპობრივად მუნიციპალიტეტის ყველა სოფელში გაიმართება.

შუახევის მუნიციპალიტეტში დიდთოვლობასთან და მეწყერული პროცესების განვითარებასთან დაკავშირებით საგანგებო შტაბი მუშაობს.

შუახევის მუნიციპალიტეტში დიდთოვლობასთან და მეწყერული პროცესების განვითარებასთან დაკავშირებით საგანგებო შტაბი მუშაობს. გაიმართა საგანგებო სიტუაციების მართვის სხდომა. სხდომაზე მუნიციპალიტეტში დღის განმავლობაში არსებული მდგომარეობა შევაფასეთ და განხორციელებულ ღონისძიებებზე ვიმსჯელეთ. დილიდან მუშაობს აჭარის საავტომობილო გზების დეპარტამენტის ერთეული ტექნიკა. გაწმენდილია ადმინისტრაციულ ერთეულებთან და რამდენიმე სოფელთან დამაკავშირებელი გზა. სამუშაოებს უშუალოდ მუნიციპალიტეტის ხელმძღვანელი პირები, საკრებულოს წევრები, მერის რწმუნებულები და სოფლის თანაშემწეები ხელმძღვანელობენ. შუახევის მუნიციპალიტეტის მოქმედებს საგანგებო სიტუაციების ცხელი ხაზი: 599852080

უხვი ნალექის შედეგად შუახევში, დამეწყრილი ადგილების სალიკვიდაციო სამუშაოები ინტენსიურ რეჟიმში მიმდინარეობს.

სამუშაოებში ჩართულია საავტომობილო გზების დეპარტამენტი და მუნიციპალური სერვისების ბალანსზე არსებული ტექნიკა. დღეის მდგომარეობით გაწმენდილია 10-ზე მეტი მიმართულებით გზა. ასევე, ყველა დამეწყრილი მიმართულება ეტაპობრივად გაიხსნება. უსაფრთხო ადგილზე გაყვანილია 30-მდე ოჯახი. აჭარის გეოლოგიური სამსახურის მიერ, მიმდინარეობს მეწყერის შედეგად დაზარალებული ოჯახებისა და ტერიტორიების შესწავლა. სტიქიის ადგილზე იმყოფებოდნენ შუახევის მუნიციპალიტეტის საკრებულოს თავმჯდომარე როსტომ ლორთქიფანიძე, მერი ომარ ტაკიძე, აჭარის მთავრობისა და აჭარის უმაღლესი საბჭოს წევრები, გზების დეპარტამენტისა და გეოლოგიური სამსახურის წარმომადგენლები.

ბათუმში გაიმართა კონფერენცია, სახელწოდებით: “ინკლუზიური და მრავალფეროვანი არჩევნები ტექნოლოგიების ეპოქაში.”

კონფერენციას შაუხევის მუნიციპალიტეტის საკრებულოს თავმჯდომარე, როსტომ ლორთქიფანიძე შუახევის მუნიციპალიტეტის საკრებულოს წევრებსა და აპარატის თანამშრომლებთან, აგრეთვე, შუახევის მუნიციპალიტეტის მერის მოადგილესა და მერიის თანამშრომლებთან ერთად ესწრებოდა. მოწვეულმა ექსპერტთა გუნდმა და მსოფლიოს მასშტაბით, არჩევნებში ჩართულმა მხარეებმა, ისაუბრეს პოლიტიკურ და საარჩევნო საკითხებში ახალგაზრდების ჩართულობის მნიშვნელობაზე, აგრეთვე, გაიმართა ტექნოლოგიური არჩევნების დემონტრირება. პროექტის ტექნიკური მხარდამჭერია IFES.

შუახევის მუნიციპალიტეტის საკრებულის თავმჯდომარე როსტომ ლორთქიფანიძემ, საკრებულოს უმრავლესობის წევრებთან სამუშაო შეხვედრა გამართა

შუახევის მუნიციპალიტეტის საკრებულის თავმჯდომარე როსტომ ლორთქიფანიძემ, საკრებულოს უმრავლესობის წევრებთან სამუშაო შეხვედრა გამართა. შეხვედრაზე განვიხილეთ საკრებულოს მაჟორიტარულ ოლქებში არსებული ვითარება, თითოეული თემის საჭიროება, ვიმსჯელეთ გამოწვევებსა და პრობლემების მოგვარების გზებზე. შეხვედრაზე ასევე, ვისაუბრეთ 2024 წლის პრიორიტეტებზე,მიმდინარე ინფრასტრუქტურულ პროექტებზე, სოციალურ-ეკონომიურ და კულტურულ ვითარებასა და გამოწვევებზე.

შუახევის მუნიციპალიტეტში გაიმართა პირველი შეხვედრა USAID-ის წარმომადგენლებსა და შუახევის მუნიციპალიტეტს შორის

შუახევის მუნიციპალიტეტში გაიმართა პირველი შეხვედრა USAID-ის წარმომადგენლებსა და შუახევის მუნიციპალიტეტს შორის, რომელიც USAIDI-ის ადგილობრივი თვითმმართველობის პროგრამის პარტნიორია. სამუშაო შეხვედრის მსვლელობისას მოხდა იდენტიფიცირება იმ პრიორიტეტული სფეროების, სადაც პროგრამას შეუძლია მხარდაჭერა მუნიციპალური მმართველობის სისტემების გაუმჯობესების და მოქალაქეთა საჭიროებებზე მორგებული საჯარო სერვისების მიწოდების უზრუნველსაყოფად. ასევე განიხილეს მოქალაქეთა ჩართულობის არსებული და ახალი ინსტრუმენტების გაძლიერების და დანერგვის შესაძლებლობები. USAID-ის ადგილობრივი თვითმმართველობის პროგრამა ხუთწლიანი ინიციატივაა და პროგრამის საშუალებით აშშ-ს საერთაშორისო განვითარების სააგენტო მხარს დაუჭერს სულ მცირე 22 მუნიციპალიტეტს და უზრუნველყოფს დამატებითი მუნიციპალიტეტების ჩართვას სასწავლო, გამოცდილების გაზიარების და ინფორმაციის გაცვლა-გავრცელების აქტივობებში.

შუახევის მუნიციპალიტეტში გაიმართა პირველი შეხვედრა USAID-ის წარმომადგენლებსა და შუახევის მუნიციპალიტეტს შორის.

შუახევის მუნიციპალიტეტში გაიმართა პირველი შეხვედრა USAID-ის წარმომადგენლებსა და შუახევის მუნიციპალიტეტს შორის, რომელიც USAIDI-ის ადგილობრივი თვითმმართველობის პროგრამის პარტნიორია. სამუშაო შეხვედრის მსვლელობისას მოხდა იდენტიფიცირება იმ პრიორიტეტული სფეროების, სადაც პროგრამას შეუძლია მხარდაჭერა მუნიციპალური მმართველობის სისტემების გაუმჯობესების და მოქალაქეთა საჭიროებებზე მორგებული საჯარო სერვისების მიწოდების უზრუნველსაყოფად. ასევე განიხილეს მოქალაქეთა ჩართულობის არსებული და ახალი ინსტრუმენტების გაძლიერების და დანერგვის შესაძლებლობები. USAID-ის ადგილობრივი თვითმმართველობის პროგრამა ხუთწლიანი ინიციატივაა და პროგრამის საშუალებით აშშ-ს საერთაშორისო განვითარების სააგენტო მხარს დაუჭერს სულ მცირე 22 მუნიციპალიტეტს და უზრუნველყოფს დამატებითი მუნიციპალიტეტების ჩართვას სასწავლო, გამოცდილების გაზიარების და ინფორმაციის გაცვლა-გავრცელების აქტივობებში. აღნიშნულ შეხვედრას შუახევის მუნიციპლაიტეტის საკრებულოს თავმჯდომარე, როსტომ ლორთქიფანიძესთან ერთად ესწრებოდნენ, მუნიციპალიტეტის მერი, ომარ ტაკიძე, საკრებულოს წევრები და მუნიციპალიტეტის თანამშრომლები.

2024 წელს მოსახლეობასთან შეხვედრა ოლადაურის თემით დაიწყო.

2024 წელს მოსახლეობასთან პირველი შეხვედრა ოლადაურის თემში გავმართე. მიმდინარე ინფრასტრუქტურული პროექტები მათთან ერთად განვიხელე, ვისაუბრეთ სამომავლო გეგმებზე და გავეცანი მოსახლეობის საჭიროებებს. მიმდინარე პროექტები მოსახლეობის ინტერესების გათვალისწინებით დაიგეგმა. ხოლო, ინფრასტრუქტურის სამშენებლო-სარეაბილიტაციო სამუშაოები აქტიურად გაგრძელდება. ამავე შეხვედრაზე, ვისაუბრეთ მდინარე დოლაბისწყლისა და ჩირუხისწყლის ხერთვისში გაკეთებულ კულტურისა და დასვენების პარკისთვის, ამავე სოფლის მკვიდრის, ფრიდონ ქარცივაძის სახელის მინიჭებასთან დაკავშირებით. აღნიშნული საკითხი, მოსახლეობის თხოვნით, გატანილია ბიუროს სხდომაზე და საბოლოო გადაწყვეტილება საკრებულოს უმრავლესობის ჩართულობით, უმოკლეს დროში იქნება მიღებული. ფრიდონ ქარცივაძე დაიბადა 1974 წლის 22 მარტს. წარჩინებული მოსწავლეობისა და სტუდენტობის შემდეგ კარიერა პროკურატურაში აიწყო და წარმატებით მოღვაწეობა სიცოცხლის ბოლომდე. ფრიდონ ქარცივაძე 2020 წელს გარდაიცვალა. აღსანიშნავია, რომ ფრიდონ ქარცივაძეს მინიჭებული აქვს “საპატიო შუახეველი”-ს წოდება.

საქველმოქმედო აქცია ხიჭაურის საჯარო სკოლის მოსწავლეთა კლუბთან ერთად

შუახევში, საქველმოქმედო კამპანიის ფარგლებში, უკვე არაერთ ოჯახს ვეწვიეთ და მათ პირველადი საჭიროების ნივთები და სურსათი გადავეცით. დღეს, ხიჭაურის საჯარო სკოლის მოსწავლეთა კლუბის წევრებსა და საკრებულოს იურიდიულ და საპროცედურო საკითხთა კომისისიის თავმჯდომარე, მალხაზ ტაკიძესთან ერთად დაბა ხიჭაურსა და სოფელ ზედაყანაში მცხოვრებ სამ ოჯახს ვესტუმრე. მათ სასურსათი პაკეტები და სხვადასხვა საჩუქრები გადავეცით. მოსწავლეთა კლუბი, USAID სამოქალაქო განათლების პროგრამა bedec-ის ფარგლებში შეიქმნა და მასში პედაგოგ ნინო ქათამაძის ხელმძღვანელობით, ხიჭაურის საჯარო სკოლის IX-XI კლასების 20-მდე მოსწავლეა გაერთიანებული. მადლობას ვუხდი ყველას, ვინც სხვადასხვა ფორმით ერთვება საქველმოქმედო აქციებში. აღნიშნული პროცესი არ არის ერთჯერადი და ჩვენ კვლავ გავაგრძელებთ ზრუნავს ჩვენი მოქალაქეების კეთილდღეობაზე.

შუახევის მუნიციპალიტეტის საკრებულოს თავმჯდომარე როსტომ ლორთქიფანიძემ საზოგადოებას 2023 წლის გაწეული საქმიანობის ანგარიში წარუდგინა

2023 წლის 13 დეკემბერს შუახევის მუნიციპალიტეტის საკრებულოს თავმჯდომარემ, ფრაქცია „ქართული ოცნება - დემოკრატიული საქართველოს" წევრმა - როსტომ ლორთქიფანიძემ, მოსახლეობას საკუთარი საქმიანობის წლიური ანგარიში წარუდგინა. შეხვედრაზე თავმჯდომარემ ისაუბრა საკრებულოს მიერ გაწეული მუშაობისა და ღონისძიებების შესახებ, რაც ერთი წლის განმავლობაში განხორციელდა. მუნიციპალიტეტისათვის პრიორიტეტად რჩება მოსახლეობის ინტერესებზე მორგებული ინფრასტრუქტურის განვითარება, სოციალური სფერო და ჯანდაცვა, კულტურულ-საგანმანათლებლო, ახალგაზრდული ღონისძიებები და ტურიზმის განვითარება. როსტომ ლორთქიფანიძემ ანგარიშის წარდგენის შემდეგ, 2024 წლისთვის განსახორციელებელ პროექტებზეც ისაუბრა და ადგილობრივების შეკითხვებს უპასუხა.