სიახლეები

შუახევის ცენტრალურ სტადიონზე მუნიციპალიტეტის სკოლებს შორის ფეხბურთის ჩემპიონატის ფინალი გაიმართა.

შუახევის ცენტრალურ სტადიონზე მუნიციპალიტეტის სკოლებს შორის ფეხბურთის ჩემპიონატის ფინალი გაიმართა. თამაშს, შუახევის მუნიციპალიტეტის საკრებულოს თავმჯდომარე, როსტომ ლორთქიფანიძე, მერი ომარ ტაკიძე, რესურსცენტრის უფროსი ედუარდ გოგრაჭაძე, თავმჯდომარის პირველი მოადგილე გიორგი დავითაძე. ფინალში მონაწილეობდნენ დაბა შუახევისა და ბარათაულის საჯარო სკოლის 17 წლამდე ასაკის მოსწავლეები. გაიმარჯვა დაბა შუახევის გუნდმა. თამაშის მონაწილე გუნდებს თასები, მედლები და სიგელები გადასცეს. თამაშის მიზანს ახალგაზრდებში ფეხბურთის განვითარება და პოპულარიზაცია წარმოადგენს.

21 მარტი ტყის საერთაშორისო დღეა!

21 მარტი ტყის საერთაშორისო დღეა! თარიღთან დაკავშირებით, შუახევის მუნიციპალიტეტის საკრებულოს თავმჯდომარე როსტომ ლორთქიფანიძემ, საკრებულოს წევრებთან და აპარატის თანამშრომლებთან ერთად, ფრიდონ ქარცივაძის სახელობის პარკში მრავალწლოვანი მცენარეები დარგო. ტყის საერთაშორისო დღე გაეროს გენერალური ანსამბლეის მიერ 1971 წელს დაწესდა. ამ დღის აღნიშვნის მიზანია საზოგადოების ცნობიერების დონის ამაღლება ტყის მნიშვნელობის თაობაზე და გამეჩხრებული ტყის ტერიტორიის შევსება-აღდგენა.

შუახევში, სოფელ ბრილში აჭარის სათხილამურო ფედერაციის საჩვენებელი ტურნირი ჩატარდა.

შუახევში, სოფელ ბრილში აჭარის სათხილამურო ფედერაციის საჩვენებელი ტურნირი ჩატარდა. შეჯიბრი გოგონებსა და ვაჟებს შორის გაიმართა, სადაც სასპორტო სკოლასთან არსებული შუახევისა და ხულოს გუნდები ასპარეზობდნენ. გამარჯვებული სპორტსმენები სიგელებით, მედლობითა და თასებით დაჯილდოვდნენ.

სტიქია მაღალმთიან აჭარაში

ძლიერი წვიმისა და თოვის გამო შუახევის მუნიციპალიტეტში მეწყრული პროცესები განვითარდა. დაზაინდა როგორც საავტომობილო გზები, აგრეთვე საცხოვრებელი სახლები და დამხმარე შენობა-ნაგებობები. საბედნიეროდ არ გვყავს მსხვერპლი. მეწყერსასშიშ ზონაში მცხოვრები ადამიანები გაყვანილი არიან უსაფრთხო ადგილზე. მათ შესაბამისი დახმარება გაეწევათ.

შუახევის მუნიციპალიტეტში გაიმართა პირველი შეხვედრა USAID-ის წარმომადგენლებსა და შუახევის მუნიციპალიტეტს შორის, რომელიც USAIDI-ის ადგილობრივი თვითმმართველობის პროგრამის პარტნიორია.

სამუშაო შეხვედრის მსვლელობისას მოხდა იდენტიფიცირება იმ პრიორიტეტული სფეროების, სადაც პროგრამას შეუძლია მხარდაჭერა მუნიციპალური მმართველობის სისტემების გაუმჯობესების და მოქალაქეთა საჭიროებებზე მორგებული საჯარო სერვისების მიწოდების უზრუნველსაყოფად. ასევე განიხილეს მოქალაქეთა ჩართულობის არსებული და ახალი ინსტრუმენტების გაძლიერების და დანერგვის შესაძლებლობები.

გილოცავთ, ქრისტეს შობის ბრწყინვალე დღესასწაულს

მართლამდიდებლური სამყარო დღეს ქრისტეს შობის დღესასწაულს აღნიშნავს. მაცხოვრის შობა ჩვენს გულებში განახლებისა და ნათელი მომავლის რწმენას უკავშირდება. დაე სიყვარული, მშვიდობა და ბედნიერება მოიტანოს ამ დღეს თქვენი ოჯახებისა და ჩვენი სამშობლოსთვის.